Mərhəm Coğazlı - Mərdi namərdlərə satırsan dünya

2016-11-04 10:20:09 / 8096 dəfə oxunub


Bəlkə ölmüşəm,heç xəbərin yoxdu

Gözəlim,sən çıxıb gedəndən bəri O gündən qəlbimdə kədərim çoxdu Soruş bir tanışdan məni ötəri Bəlkə ölmüşəm,heç xəbərin yoxdu

Sənsən tək həyatda mənim nisgilim Çəkməkdən adını,quruyub dilim Halımdan bixəbər olan sevgilim Bəlkə ölmüşəm,heç xəbərin yoxdu

Mərhəməm,olmuşam sənsiz birtəhər Qəlbimi bürüyüb qüssə,qəm,qəhər Nə olar gül üzlüm,qayıt bu səhər Bəlkə ölmüşəm,heç xəbərin yoxdu


Neynəmişəm görən,Allah

Sanki ruhsuz daş olmuşam Gözdən axan yaş olmuşam Həyatda çaş-baş olmuşam Neynəmişəm görən,Allah

Duyan yoxdu dərd sərimi. Qapayıram dəftərimi. Zülmətdə saldın yerimi. Neynəmişəm görən,Allah

Canım sitəm qəlbim yara. Od tuturam dönsəm hara. Zaman çəkir məni dara. Neynəmişəm görən,Allah

İnciyirəm dost qardaşdan. Ümman olur axan yaşdan. Ələdin başıma daşdan Neynəmişəm görən,Allah

Həyat zindan mən məhbusam. Söyləsən nə qədər susam. Yarama duzdamı basam?! Neynəmişəm görən,Allah

Gedir zaman itir ömür. Gedən gedir geri dönmür. Bəxtimdən də ağdı kömür. Neynəmişəm görən,Allah

Zülmət gecəm olmur səhər. Boğur məni bu qəm qəhər . Demə Mərhəm döz bir təhər. Neynəmişəm görən,Allah


Vətən!

Yolumu gözləmə,gedirəm ana Səngərlər qoynuna köçəcəyəm mən Ruhum bədənimdən çıxana kimi Düşmənin qanını içəcəyəm mən

Tabutum gələrsə əsgər çiynində Ata,deyəcəklər başın sağ olsun Başını uca tut heç çəkinmədən De Vətən torpağın,daşın sağ olsun

Mən ölsəm,gözəlim,qəbrimin üstə Bir çiçək,bir də ki,güldan qoyarsan Evlənsən biriylə,övladın olsa Ürəkdən adını Vətən qoyarsan


Allah

Bu qəmli dünyaya gələndən bəri Özüm öz dərdimi yozuram Allah Uyub hər nadanın şirin sözünə Getdikcə yolumu azıram Allah

Canımdan can gedib dolduqca yaşa Bu fani ömrümü vurduqca başa Əlimdə çapacaq qayaya,daşa Hər ötən günümü cızıram Allah

Səhratək qurudub könül bağımı Mum kimi əridib vüqar dağımı Mərhəməm məhv edib gənclik çağımı İndidən qəbrimi qazıram Allah


Ana

Elə bir möcüzə edəydi Allah Yenidən mən uşaq olaydım ana Dil açıb,ilk dəfə ana deyəydim Ağrını,acını alaydım ana

Bir kəlmə deməzdim sözünün üstə Əlimi ataydım gözünün üstə Başımı qoyaydım dizinin üstə Sübhəcən xəyala dalaydım ana

Yanımda mən səni tapanmayanda İyləyib ətrini duyanmayanda Mərhəməm,laylansız yatanmayanda Ağlayıb qışqırıq salaydım ana


Ay Allah,mən necə Vətən oğluyam?

Bağımda bəhrəmi yeyənmirəmsə Bir kəlmə sözümü deyənmirəmsə Yurduma,yuvama dəyənmirəmsə Ay Allah,mən necə Vətən oğluyam?

Nərgizlər,lalələr boynunu büküb Topxana meşəsi saçını töküb Başımın üstünə duman,çən çöküb Ay Allah,mən necə Vətən oğluyam?

Düşmənin ağzında yağ olub torpaq Varlıya bəhrəli bağ olub torpaq Mərhəməm,qəlbimdə dağ olub torpaq Ay Allah,mən necə Vətən oğluyam?


Dünya

Oğul-qız sahibi olan günündən Kasıbı odlara,atırsan dünya Aldanıb dövlətə,aldanıb vara Mərdi namərdlərə satırsan dünya

Özümdə bilmirəm bu qədər niyə Tutduğun əməllər gizlənsiz deyə Bənzədib özünü məhsum körpəyə Yaltaqlar qoynunda yatırsan dünya

Çiçəktək saralıb,solan Mərhəmin Buludtək boşalıb,dolan Mərhəmin Hər şeyə tamarzı qalan Mərhəmin Başını şeirlə qatırsan dünya


Bax Allah

Qələm qaşlarının üstünə düşən Gözlərə naz edən telə bax Allah Belədə şirinlik,məlahət olmaz Dilə bax,dilə bax,dilə bax Allah

Durna boğazıtək bilur buxağa Pətəktək bal dadan qönçə dodağa Laləyə bənzəyən alma yanağa Sinəsində bəyaz tülə bax Allah

Bir baxışla Coğazlını qandıran Kədərini,qüssəsini dandıran Günəş olub çöhrəsində yandıran Şəhla gözlü bu gözələ bax Allah


A zalım,dərdindən ölürəm axı

Heyranam dilinə,şirin sözünə Heyranam qaşına,qara gözünə Nə qədər həsrətlə baxım üzünə A zalım,dərdindən ölürəm axı

Sonacan qüssəmi,qəmmi çəkim mən? Ağlayıb,gözümdən yaşmı töküm mən? Əyilib,qarşında dizmi çöküm mən? A zalım,dərdindən ölürəm axı

Nə qədər közərim,alışım,yanım? Nə qədər mən səni içimdə anım? Nə qədər sevgimi hamıdan danım? A zalım,dərdindən ölürəm axı


Gedək gəzək biz aləmi

Məni məndən alan gözəl Kəməndinə salan gözəl Yox sözümdə yalan gözəl Gedək gəzək biz aləmi

Çıxaq yaylaqlar belinə Gül- çiçək taxım telinə Heyranam şirin dilinə Gedək gəzək biz aləmi

Nə qəm bilək,nə dərd bilək Yaylaqlardan əsən külək Yanağından öpsün mələk Gedək gəzək biz aləmi

Keçib dövran,ötür zaman Birdə ələ düşməz bu an Könlümə köz basan canan Gedək gəzək biz aləmi



Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!