Türkiyədə mənzil alan Azərbaycan vətəndaşlarının sayı açıqlanıb

2017-02-02 10:36:24 / 4796 dəfə oxunub

2016-cı ildə Azərbaycan vətəndaşları Türkiyədə ümumilikdə 280 247 m² həcmi olan 724 mənzil alıblar.


"APA-Economics" xəbər verir ki, bu barədə Türkiyənin mənzil bazarı araşdırması ilə məşğul olan "EVA Gayrimenkul Değerleme” şirkətinin hesabatında deyilir.

 

Məlumata görə, 2015-ci ildə azərbaycanlılar qardaş ölkədə ümumi ərazisi 127 172 m² olan 864 ədəd əmlak alıb ki, bu da bir ildə mənzil həcminə görə 153 075 m² və ya 12,04% çoxdur. Alınan mənzillərin sayında isə 140 ədəd və ya 16,20% azalma qeydə alınıb.

 

Ötən il Türkiyədə daşınmaz əmlak alan əcnəbilərin sayına görə tərtib olunmuş siyahıda birinci yerdə Səudiyyə Ərəbistanı qərarlaşıb. Bu ölkənin vətəndaşları Türkiyədə 782 674 m² həcmində 1 827 mənzil alıblar. Almaniya vətəndaşları 649 254 m² həcmində 1 474 ədəd, Böyük Britaniyalılar 557 706 m² həcmində 2 556 ədəd, Küveytlilər 480 135 m²-lik 1 749 ədəd ev alıb.

 

Ötən il iraqlılar ümumi sahəsi 269 640 m² olan 3726 ədəd, Rusiya vətəndaşları 201 538 m² həcmində 1 449 ədəd, Livan vətəndaşları 175 602 m²-lik 191 ədəd, Şimali Kipr Türk Respublikasının vətəndaşları 172 382 m² olan 180 ədəd, Əfqanıstan vətəndaşları isə 145 127 m² olan 1 623 əmlak sahibi olub.

 

"EVA Gayrimenkul Değerleme' şirkəti əcnəbilərin Türkiyədə aldıqları ev və əmlakları şəhərlər üzrə də qruplaşdırıb. Əgər 2015-ci ildə əcnəbilər Muğla, İstanbul, Antalya, Bursa, Kocaeli, Yalova, Ankara, Aydın, Sakarya və Biləcik şəhərlərində ev alırdısa, 2016-cı ildə bu siyahıda Muğla, İstanbul, Antalya, Bursa, Yalova, Sakarya, Kocaeli, Adana, Aydın və Samsun şəhərləri qərarlaşıb. 

Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!