Finala yüksələn karateçimiz: "Bu qələbəmi Azərbaycan xalqına həsr edirəm"

2017-05-13 12:22:23 / 3942 dəfə oxunub

"Bu qələbəmi Azərbaycan xalqına həsr edirəm". B unu jurnalistlərə IV İslam Həmrəyliyi Oyunlarında finala yüksələn karateçimiz Fəridə Abiyeva deyib.

61 kq çəki dərəcəsində yarışan F.Abiyeva bildirib: "Mən artıq finaldayam və bu gün iranlı idmançı ilə mübarizə aparacağam. Bugünkü qələbəmi bütün Azərbaycan xalqına həsr edirəm. Allahın köməyi ilə bu gün qızıl medal qazanacağıq".

Yarımfinalda özbək karateçi Barno Mirzəyeva ilə döyüşünü şərh edən idmançımız bildirib ki, bu görüşə xüsusi əhvali-ruhiyyə ilə çıxmışdı:

"Bundan əvvəl onunla iki dəfə qarşılaşmış və məğlub olmuşdum. Ona görə də bu döyüşə aqressiv əhvali-ruhiyyədə çıxmışdım".

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

trend
Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!