Tələbə qızın ölümü ilə bağlı RƏSMİ AÇIQLAMA

2019-02-08 12:25:38 / 1693 dəfə oxunub
Nərdanə Şirvan qızı Tağızadənin leptospiroz infeksiyasından dünyasını dəyişməsi aparılan lobarator müayinələrin nəticəsində öz təsdiqini tapmayıb.
Bu barədə BakuPost-a Səhiyyə Nazirliyindən məlumat verilib. Bildirilib ki, bu infeksiya haqqında məlumat daxil olan kimi, Səhiyyə Nazirliyi məsələni xüsusi diqqət altına alıb.

Dərhal mərhumun evində bütün lazımi müayinələr aparılıb.

"Qeyd edək ki, Leptospiroz çox nadir rast gələn bir xəstəlikdir. Bu infeksiya xəstə heyvanların ifrazatları ilə çirklənmiş ətraf mühit vasitəsilə yayılır.
İnsandan insana keçmir. Aparılmış epidemioloji araşdırmalar və laborator müayinələr nəticəsində xəstəlik təsdiqini tapmayıb.

Ölümün əsas səbəbi mərhumun dünyasını dəyişdiyi tibb müəssisəsinin rəyində açıqlanıb", - deyə nazirliyin açıqlamasında qeyd olunub.
Qeyd edək ki, yanvarın 25-də Bakı Dövlət Universitetinin "Tarix” fakultəsin birinci kurs tələbəsi, 18 yaşlı qızı Nərdanə Şirvan qızı Tağızadənin Yanvarın 25-də vəziyyəti pisləşib və Respublika Klinik Xəstəxanasına yerləşdirilib. Lakin onun vəziyyəti ağırlaşdığı üçün sonradan Babək prospektində yerləşən "Bakı Medical Plaza”ya aparılıb. Həkimlərin səyinə baxmayaraq Nərdanənin həyatını xilas etmək mümkün olmayıb və o, yanvarın 29-da vəfat edib. Qızın anası İlhamə İgidova bildirib ki, həkimlər əvvəlcə N. Tağızadənin H1N1 virusuna, sonra isə heyvanlardan keçən leptospiroz virusuna yoluxduğunu bildiriblər Lakin ölüm kağızında rəsmi olaraq yazıblar ki, N. Tağızadənin dünyasını dəyişməsinə səbəb ağ ciyər və ürək çatışmazlığıdır.

N. Tağızadə ali məktəbə qəbul imtahanında 600 bal toplayıb.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!