Nuşirəvan Məhərrəmli: “ANS televiziyası ilə bağlı məsələ bitib”

2019-05-07 11:29:51 / 1509 dəfə oxunub

"Baş Prokurorluğun açıqladığı məlumat ANS televiziyasının fəaliyyətinin bərpasıedilməsi anlamına gəlmir”.

Sabahinfo.az xəbər verir ki, bunu Modern.az-a Milli Televiziya və Radio Şurasının sədriNuşirəvan Məhərrəmlibildirib.

O, qeyd edib ki, telekanalın yenidən açılmasıməsələsi gündəmdə deyil:

"Məhkəmə ANS televiziyası ilə bağlı qərarını verib və televiziyanın fəaliyyətinə xitam verilib. Bununla da ANS televiziyası ilə bağlı məsələ bitib. Əlavə şərhə ehtiyac görmürəm”.

Baş Prokurorluğun yaydığı məlumata görə, Bakı Apellyasiya Məhkəməsinin qanuni qüvvəyə minmiş 29 iyul 2016-cı il tarixli qərarı ilə Milli Televiziya və Radio Şurasının "ANS Müstəqil Yayım və Media Şirkəti”nə qarşı kütləvi informasiya vasitəsinin fəaliyyətinə xitam verilməsi barədə iddiası təmin edilərək şirkətə verilmiş xüsusi razılığın (lisenziyanın) qüvvəsinə və telekanalın fəaliyyətinə xitam verilib.


ANS Yayım və Media Şirkətinin prezidenti Vahid Mustafayev dünən bildirib ki,bir müddət əvvəl Baş Prokurorluqdan ANS-ə tam bəraət qazandıran məktub alıb:

"Məktubda deyilir ki, 2016-ci ilin iyul ayında qardaş Türkiyədə dövlət çevrilişinə cəhdlə bağlı Azərbaycanda aparılan təhqiqatlarda ANS Yayım və Media Şirkətinin hər hansı günahının olmadığı tam sübuta yetirildi! Bu o deməkdir ki, ANS Türkiyə və Azərbaycan Xalqı və Dövləti, daim bizə etimad göstərən olkəmizin Prezidenti və daim bizi qoruyan Allah qarşısında təmiz və üzüağ olduğumuzu isbat etdi!".


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!