Hacı İbrahimlə Nazirlər Kabineti arasında bina QALMAQALI - SAKİNLƏR ƏLACSIZ QALIB

2019-05-18 10:58:41 / 998 dəfə oxunub
Bakıda Nazirlər Kabinetinin sifarişi ilə tikilən bina illərdir təhvil verilmir.

Bu barədəBakupost.az-aYasamal rayonu, Həsən bəy Zərdabi prospekti 74 ünvanında yerləşən binanın sakini Mürşüd Rəşidov məlumat verib.

O bildirib ki, Nazirlər Kabinetinin sifarişi ilə "Tərəqqi” MTK və Avesta MTK-a 2011-2017-ci illərdə adıçəkilən ünvanda 3 ədəd, 22 mərtəbəli yaşayış binası inşa etdirib. 2017-ci ildə yaşayış kompleksi müqaviləyə əsasən təhvil verilməli imiş, lakin hələ də bina zəruri olan heç bir şəraitlə təmin olunmayıb.
Şikayətçi bildirir ki, bunada su xətti nazik borularla verildiyi üçün yuxarı mərtəbələrin su təminatı ödənilmir, işıq binanın tikintisi üçün ayrılmış müvəqqəti olan xəttlərdən verildiyi üçün gərginlik 160 kv-dan yuxarı qalxmır və elektrik avadanlıqların istifadəsi ilə çətinliklər yaşanır.

Bina qazla da təmin edilməyib və mərkəzləşdirilmiş isitmə sistemi də istifadəyə verilməyib.
M.Rəşidovun sözlərinə görə, son illər binada daxili təmir işləri həddən artıq qec aparılır, girişlərin, yanğın təhlükəsizliyi üçün ayrılmış pilləkənlərin, mərtəbələrin, həyətyanı sahələrin heç bir işıqlandırılması və abadlıq işləri aparılmayıb, sanitar giqiyenik normalara riayət edilmir.

Bina sakini deyir ki, məsələ ilə bağlı həm "Tərəqqi” MTK-ya, həm də Avesta MTK-a dəfələrlə müraciətlər etsələr də, maliyyə problemləri olduğu bildirilir və işlər yekunlaşdırılmır: Bir neçə il əvvəl Hacı Nehrəm İbrahimlinin Beynəlxalq Bankla yaranan borc qalmaqalından sonra binada demək olar ki, işlər dayandırıldı. Əgər həmin vaxtlar binada 100 nəfər işləyirdisə, Hacı İbrahim Nehrəminin həbs xəbərlərindən sonra qəfildən işçilərin sayı 10-a endi və tikinti az qala yarımçıq saxlanıldı. Biz məsələ ilə bağlı Nazirlər Kabinetinə də dəfələrlə müraciət etmişik. Lakin ordan da eyni cavab alırıq. Maliyyə problemləri var deyə işi yekunlaşdırmırlar. Ancaq bildiriblər ki, guya bu ilin sonuna qədər binanın təhvil-təslim işlərini yekunlaşdıracaqlar”.

M.Rəşidov onu da deyir ki, qeyd olunan binalarda Nazirlər Kabinetinin işçiləri ilə yanaşı, dövlət məmuru olmayan sakinlər də yaşayır.

Nazirlər Kabinetinin mətbuat xidmətinin rəhbəriAyaz Mirzəyev Bakupost.az-a bildirib ki, sözügedən bina ilə bağlı işlər bu ilin sonuna qədər yekunlaşdırılıb, sakinlərə təhvil veriləcək.
Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!