“Qaloş piri”ndəki görüntülərlə bağlı açıqlama: Seyidin papağıdır

2019-06-10 14:51:55 / 1629 dəfə oxunub

Ötən gün sosial şəbəkələrdəyayılan, Goranboyun Qurbanzadə kəndindəki "Qaloş piri”adlanan yerdə çəkilmişgörüntülər rezonans yaradıb. Müzakirələrin səbəbi isə insanların şəfa tapmaq üçün gəldiyi "pir”də başlarına qaloş sürtülməsinə imkan verməsidir. İddiaya görə, həmin qaloş 30 il əvvəl burada yaşayan Seyid Miribiş ağaya məxsusdur. Məsələdə adı keçən Qurbanzadə kəndi Fəxralı kəndinin ərazisinə daxildir.

Oxu.Azməsələnin mahiyyətini dəqiqləşdirmək üçün Goranboy rayon İcra Hakimiyyətinin Fəxralı kənd icra nümayəndəsi Mehman İbrahimovla əlaqə saxlayıb.

M.İbrahimov yayılan məlumatları qəti şəkildə təkzib edərək deyib ki, görüntülər videodakı şəxsinöz babasının il mərasiminə görə ehsan verdiyi vaxt çəkilib.


Onun sözlərinə görə, orada insanların başına çəkilən əşya qaloş yox, seyidin papağıdır.

Qafqaz Müsəlmanları İdarəsinin səlahiyyətli nümayəndəsi, ilahiyyatçı,Hacı Şahin Həsənlidə məsələni saytımıza şərh edib. O, qaloşdan, papaqdan, geyimdən mədədumanları cahil adlandırıb:

"Dinimizdə bütün ibadət formaları açıq şəkildə qeyd edilib. Bu tip əməllər xurafatdır. İnsanlar ziyarətgahlara gedə bilər, övliyalara hörmət əlaməti olaraq onların xatirəsini yad edə bilər, amma bunu göstəriş halına salmaq olmaz.

Kütləvi şəkildəbu kimi davranışlar doğru deyil. İnsanlar özləri də bilmədən bu addımla Allaha yaxınlaşdıqlarını düşünürlər. Lakin heç də elə deyil. İnsanın geyimlərdən, qaloşdan, papaqdan, geyimlərdən mədəd umması cahillikdir. Yenə deyirəm, fərdi qaydada məzar ziyarətləri, onların xatirəsini yad etmək normaldır. Amma bunu kütləvi şəkilə gətirmək və göstəriş xarakterli formaya salmaq, üstəlik, qarşılığında maddiyyət ummaq kökündən yanlış əməldir”.

H.Şahin onu da əlavə edib ki, Həzrəti Yusifin köynəyindən bu qənaətə gəlib, belə bir əmələ inanılırsa, insanlar bunu yanlış anlayıb deməkdir:

"Quran”da belə bir ayə var. Həzrəti Yusifin köynəyini Həzrəti Yaquba gətirirlər. O, köynəyi gözünə çəkir və gözləri açılır. "Quran”da bu ayə təbərrük adlanır. Amma bunun kütləvi şəkildə mərasim halına salınması yanlışdır.

Ziyarətgahdan hər hansı bir parça gəldiyində insan onu öpüb, gözünün üzərinə qoyursa, burada Allaha şərik qoşmaq yoxdur. Amma bu cür insanların beyniniyuyaraq, onları cahilliyə çəkmək səhvdir”.


Son xəbərlər
TƏBRİK
2019-09-02 12:02:59
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!