Elşad Həsənov ATƏT PA-da çıxış edib

2019-07-08 14:30:32 / 1099 dəfə oxunub

Milli Məclisin deputatı Elşad Həsənov ATƏT PA-nın yekun plenar iclasında çıxışında Azərbaycan ərazilərinin 20 faizinin Ermənistan tərəfindən işğal edilməsi məsələsinə bir daha toxunub.

AZƏRTAC xəbər verir ki, natiq həlli uzanan münaqişələrin region ölkələrinin davamlı inkişafı yolunda əsas maneə olduğunu vurğulayıb. O xatırladıb ki, Ermənistan BMT Təhlükəsizlik Şurasının və digər təşkilatların Azərbaycanın işğal edilmiş Dağlıq Qarabağ bölgəsindən və ona bitişik yeddi rayondan öz silahlı qüvvələrini dərhal çıxarması barədə qətnamələrinə etinasızlıq göstərməkdə davam edir. Deputat münaqişənin hüquqi yolla həllinin həyata keçirilməsi üçün təsirli vasitələrin olmamasına görə təəssüfləndiyini bildirib və ATƏT iştirakçısı olan dövlətləri beynəlxalq hüquqla manipulyasiya etmək, onun əsas müddəalarını istədikləri şəkildə yozmaq kimi hərəkətlərdən çəkinməyə çağırıb.

Elşad Həsənov Azərbaycanın ərazi bütövlüyünün, suverenliyinin və sərhədlərinin toxunulmazlığının birmənalı şəkildə dəstəklənməsinə görə ATƏT PA-ya təşəkkürünü bildirib.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!