Ucar və Kürdəmirdə maarifləndirmə tədbirləri keçirilib

2019-11-22 18:20:29 / 906 dəfə oxunub
Ucar və Kürdəmir rayonlarında "Uşaq hüquqları və onların müdafiə mexanizmləri” mövzusunda maarifləndirmə tədbirləri keçirilib.

Tədbirdə rayon orta ümumtəhsil məktəblərinin yuxarı sinif şagirdləri iştirak edib. Tədbirdə layihənin eksperti Pərvin Süleymanova çıxış edərək, BMT-nin Uşaq Hüquqları Konvensiyasının yaranma tarixi, məqsədləri haqqında danışıb, uşaqların hüquqları və onların müdafiə mexanizmləri barədə, eləcə də hüquqları pozulduğu zaman müraciət edə biləcəkləri qurumlar barədə məlumat verib.

Tədbirdə uşaqlarla müzakirələr aparılıb, onların çoxsaylı sualları cavablandırılıb.

Qeyd edək ki, tədbirlər Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının dəstəyi ilə "Müasir Beynəlxalq Hüquq və Davamlı İnkişaf” İctimai Birliyi tərəfindən icra edilən "Ümumtəhsil məktəblərində uşaq hüquqları və onların müdafiə mexanizmləri mövzusunda maarifləndirmə tədbirlərinin həyata keçirilməsi” adlı layihəsi çərçivəsində keçirilib.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!