Kaşıkçını tikə-tikə doğrayanlara hökm oxundu - Edam olunacaqlar

2019-12-23 15:53:12 / 1092 dəfə oxunub

Səudiyyə Ərəbistanındaqəddarcasına qətlə yetirilmiş Camal Kaşıkçı cinayəti ilə bağlı məhkəmə işi yekunlaşıb. Məhkəmə cinayətlə bağlı beşnəfərə edam hökmü verib, üçnəfəri isə 24 il müddətinə azadlıqdan məhrum edib.

Bu barədə "Son Dakika” xəbər yayımlayıb.

Qeyd edək ki, 2018-ci il oktyabrında Türkiyənin İstanbul şəhərində Səudiyyə Ərəbistanının Baş Konsulluğuna nikah məsələlərini həll etmək üçün girən səudiyyəli jurnalist Camal Kaşıkçıdan bir daha xəbər alınmamışdı. Onun Səudiyyə Ərəbistanından gələn xüsusi bir dəstə tərəfindən qəddarcasına - doğranaraq öldürüldüyü məlum olmuşdu.

Jurnalistin cəsədi uzun müddət axtarışlara baxmayaraq, tapılmayıb. Bu səbəbdən ehtimal edilir ki, onun cəsədisulfat turşusunda yandırılıb.

BMT İnsan Haqları Ali Komissarlığı iyun ayında yayımlanan 101 səhifəlik hesabatda Səudiyyə Ərəbistanı hökumətiniCamal Kaşıkçını qəsdən öldürməkdə məsul bilmişdi.

Hesabatda aralarında vəliəhd şahzadə Məhəmməd Bin Salmanın da olduğu ali səviyyəli səlahiyyətlilərin istintaqı üçün kifayət qədər etibarlı dəlillərin olduğuna işarə edilib.


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!