Qaradağ rayonunda seçki qərargahı uğurlu fəaliyyət göstərir

2020-01-30 16:17:56 / 1417 dəfə oxunub

Milli Məclisə seçkilərlə əlaqədar Yeni Azərbaycan Partiyasının Mərkəzi Qərargahının Qaradağ rayon şöbəsinin növbəti iclası keçirildi. Partiyanın rayon təşkilatının sədri Aydın Hüseynov çıxış edərək qərargahın fəaliyyəti barədə ətraflı hesabat verdi. Qeyd etdi ki, qərargah 2 dairə üzrə - 11 saylı Qaradağ və 12 saylı Qaradağ - Binədəqi-Yasamal seçki dairələri üzrə fəaliyyət göstərir. YAP tərəfindən hər iki dairə üzrə namizədlikləri irəli sürülmüş nümayəndələrin təbliğat-təşviqat kampaniyası çərçivəsində bütün qəsəbələrdə, məhəllə və evlərdə seçicilərlə görüşlər keçirilib və proses davam edir. Partiyanın seçki patforması ilə bağlı hazırlanan bülletenlər seçicilərə çatdırılır. Qərargahda gənclərdən ibarət formalaşan könüllü dəstələr seçicilərlə telefon əlaqəsi yaradaraq seçkilərin yekdil formada keçirilməsinə çalışırlar. Nəzarətçilər və müşahidəçilərlə bağlı mütəmadi görüşlər keçirilir və seçki proseduru haqda onlara məlumatlar verilir.

YAP tərəfindən namizədliyi irəli sürülmüş nümayəndələrin seçicilərlə görüşünə toxunan təşkilatın sədri Aydın Hüseynov qeyd etdi ki, təbliğat-təşviqat kampaniyasına qanunvericiliyə uyğun olaraq yanvarın 17-dən başlanılıb. Seçicilərlə qəsəbələrdə, məhəllə və evlərdə keçiriləcək görüşlərin vaxtı və yeri barədə əvvəlcədən məlumat hazırlanıb və buna layiqincə əməl olunur. Bu səbəbdən də partiyanın 2 dairə üçün irəli sürdüyü namizədlərin seçicilərlə görüşləri müntəzəm keçirilir.

Qərargahın fəaliyyəti videoçarx vasitəsilə tədbir iştirakçılarının diqqətinə çatdırıldı və növbəti mərhələ üçün nəzərdə tutulan bütün məsələlərə aydınlıq gətirildi.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!