Könül Nurullayeva seçiciləri ilə birlikdə ağacəkmə aksiyası keçirib - FOTOLAR

2020-02-03 10:16:14 / 1394 dəfə oxunub

24 saylı Nizami birinci seçki dairəsindən namizəd Könül Nurullayeva 10 məhəlləyə maraqlı töhvəsi ilə seçiciləri ətrafına toplaya bildi.

2 fevral Gənclər gününə həsr edilmiş, özündə bir neçə səbəbi birləşdirən ağaçəkmə aksiyasında Nizami rayonundan çox sayda könüllü iştirak edib. Könüllü müraciətlərinin gözlənildiyindən artıq olduğunu deyən Könül Nurullayeva soyuq qış havasının ani olaraq günəşli hava ilə əvəz olunmasında xoş və ürəkdən gələn niyyətimizin olmasına inanır. Agacəkmə prosesində könüllülərlə bərabər məhəllə sakinləri də aktiv şəkildə iştirak ediblər. Fürsətdən istifadə edərək onlarla da görüşlər keçirilib və problemli məsələlər müzakirə olunub. Məhəllə sakinləri sırasında əfsanəvi diktorumuz Sabir Ələsgərov da aksiyaya öz töhvəsini verərərək gənclərə dəstəyini nümayiş etdirib.


Namizədliyini irəli sürdüyü Nizami rayonu 24 saylı birinci seçki dairəsində yerləşən 10 məhəllənin hər birində 24 ağac əkməklə aksiya uğurla başa çatıb. Bu tədbirin məqsədi haqqında danışan K.Nurullayeva bir gənc olaraq Gənclər günündə könüllüləri bir araya toplayıb, namizədliyini irəli sürdüyü Nizami rayonunun ekoloji durumunu yaxşılaşdırmaq olduğunu bildirib. Könül Nurullayeva ağacəkmə aksiyasına qoşulan bütün könüllülərə və məhəllə sakinlərinə təşəkkürünü bildirib.


Könül Nurullayeva haqqında qısa məlumat

2009-cu ildən Mili Olimpiya Komitəsinin Beynəlxalq Əlaqələr İdarəsinin rəisi vəzifəsinə təyin olunan K.Nurullayeva Azərbaycan Atletika Federasiyasının Beynəlxalq Əlaqələr şöbəsinin rəhbəri, "Bakı-2020” Olimpiya Oyunlarına namizədliklə əlaqədar yaradılmış Təşkilat Komitəsinin və "Bakı-2017” İslam Həmrəyliyi Oyunları namizədlik komitəsinin icraçı direktoru kimi beynəlxalq Olimpiya hərəkatında ən gənc xanım rəhbər olaraq adını tarixə yazıb.


O, Pekin Olimpiya oyunlarında (2008-ci il) nümayəndə heyətinin rəhbərinin köməkçisi, London Olimpiya oyunlarında (2012-ci il) Azərbaycan nümayəndə heyətinin rəhbərinin müavini, eləcə də 2010-cu il Vankuver və 2014-cü il Soçi Qış olimpiadalarında nümayəndə heyətinin rəhbəri olub.

K.Nurullayeva "Bakı-2015” Avropa Oyunlarının Əməliyyat Komitəsinin xüsüsi məsləhətçisi və Direktorlar Şurasının üzvü olmaqla 56 medal qazanaraq 2-ci yeri tutmuş Azərbaycan nümayəndə heyətinə rəhbərlik edib.


2013-cü ildə Avropa Olimpiya Komitəsinin "Qadın və İdmanda Bərabərlik” komissiyasının üzvü seçilən K.Nurullayeva ölkəmizi Avropa Olimpiya strukturlarında təmsil edən ilk xanımdır.

2013-cü ildə Könül Nurullayeva 57 ölkənin birləşdiyi, Beynəlxalq Olimpiya Komitəsindən sonra dünyanın 2-ci ən böyük idman qurumu sayılan İslam Həmrəylik İdman Federasiyasının (İHİF) İcraiyyə Komitəsinə seçilən ilk xanım nümayəndədir.

Azərbaycan Prezidenti İlham Əliyev 4-cü İslam Həmrəyliyi Oyunlarının Bakıda keçirilməsi üzrə Birinci vitse-prezident Mehriban Əliyevanın sədrliyi ilə Təşkilat Komitəsinin byaradılması haqqında sərəncam imzalayır. Könül Nurullayeva həmin Komitənin Katibi təyin edilir.


2018-ci ildə İHİF-nin nəzdində əsası qoyulan "Qadın və İdmanda gender bərabərliyi” komitəsinə rəhbər təyin olunub, İHİF tərəfindən 2021-ci ildə İstanbulda keçiriləcək 5-ci İslam Həmrəyliyi Oyunları ilə əlaqədar yaradılmış Koordinasiya Şurasına üzv seçilib.

Ailəlidir, 1 övladı var.

Parlament seçkilərinə namizədliyini irəli sürən Könül Nurullayeva haqqında daha ətraflı məlumatla bu linklərə daxil olaraq tanış ola bilərsiniz.

https://m.facebook.com/nurullayevakonul/

https://instagram.com/konulnurullayeva.official?igshid=s8woq6tzq4lt

https://www.youtube.com/channel/UC-vU4BfygJt7FlUVZTB_6cA


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!