Yasamalda möhtəşəm görüş - Seçicilər Ülvi Quliyevə səs verəcəklər

2020-02-03 15:10:15 / 1322 dəfə oxunub

Milli Məclis seçkilərinə 15 saylı Yasamal birinci seçki dairəsindən deputatlığa namizəd Ülvi Quliyev Şərifzadə küçəsində seçicilərlə görüş keçirib.

Sabahinfo.az xəbər verir ki, izdihamlı keçən görüşdə Yasamal rayon Ağsaqqalar Şurasının sədri Cavanşir Qurbanov, rayon ağsaqqalları,rayonun hörmətli ziyalıları, şəhid ailəsi, idman ictimaiyyətinin nümayəndələri, həmçinin gənc seçicilər iştirak ediblər.

Görüşü açıq elan edən Xalq artisti Nurəddin Mehdixanlı Ülvi Quliyevin insani keyfiyyətlərindən,onun insanlara diqqətindən,seçicilərinə olan rəğbətindən bəhs edib. Professor, kulturoloq Fuad Məmmədov isə öz növbəsində Ü.Quliyevin intellektual baxışından,gənc nəslə dəstəyindən,sağlam gənclərin yetişməsində Ülvi Quliyevin rolundan danışıb. Professor bu məsuliyyətli vəzifədə namizədə uğurlar diləyib.

İdmançılar adından çıxış edən tanınmış simalar çıxışlarında onun bir idmançı,savadlı insan kimi Milli Məclisdə məhz idman ictimaiyyətini təmsil etməsindən qürur hissi duyduqlarını,bu seçkidə də ona səslərini verəcəklərini deyiblər.



Seçicilər qarşısında hesabat xarakterli çıxış edən Ülvi Quliyev Parlamentdə 5 illik fəaliyyəti müddətində qanunvericilik və təmsilçiliklə bağlı gördüyü işlərdən danışıb. Həmçinin 2 fevral gənclər günü münasibətilə gənclərimizi təbrik edib. O,vurğulayıb ki,istər gənclərə,istərsə də yaşlı nəslə diqqət və qayğısını əsirgəmir,onların istənilən probləmlərinin həllinə biganə qalmayaraq səlahiyyəti çərçivəsində həllinə çalışır.Növbəti beş ildə də Yasamal seçicilərinin inamını qazanacağı təqdirdə parlamentdə Vətənini,millətini,seçicilərini layiqincə təmsil edəcəyini söyləyib.



Çıxış edən gənc seçici Ülviyyə Əliyeva Ülvi Quliyevin ölkə prezidenti İlham Əliyevin apardığı uğurlu gənclər siyasətinə yüksək şəkildə öz töhfəsini verdiyini, gənclərin hamisi olduğunu deyib. Şəhid ailəsi Gülnaz Namazova Ülvi Quliyevin hər zaman onların sosial şəraiti ilə maraqlandığını,ən həssas məqamlarda yanlarında olduğunu, daim diqqətində saxladığını,onların haqq səsini müvafiq orqanlara çatdırdığını söyləyib.

Sonda seçicilər yekdilliklə səslərini məhz alternativsiz namizədə- Ülvi Quliyevə verəcəklərini bəyan ediblər.


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!