Yasamal Rayon İcra Hakimiyyətinin başçısı Elşad Həsənov növbəti səyyar qəbul-görüş keçirib

2020-02-13 19:23:14 / 1300 dəfə oxunub

Fevralın 13-də Yasamal Rayon İcra Hakimiyyətinin başçısı Elşad Həsənovun növbəti səyyar qəbul-görüşü rayon İcra Hakimiyyəti başçısının 3 nömrəli sahə inzibati ərazi dairəsinin ərazisində, 18 saylı orta məktəbin akt zalında Zivər Əhmədbəyov və Salatın Əsgərov küçəsinin sakinlərilə keçirilib. Səyyar qəbul-görüşdə rayon icra hakimiyyəti başçısı aparatının məsul işçiləri, rayon bələdiyyəsinin, xidmət sahələrinin rəhbərləri, sakinlər və ictimaiyyət nümayəndələri iştirak edib.

Görüşdə Yasamal rayon İcra Hakimiyyətinin başçısı E.Həsənov Azərbaycan Respublikası Prezidenti cənab İlham Əliyevin 2019-cu ildə həyata keçirdiyi islahatlar və cari ildə nəzərdə tutulan tədbirlər haqqında vətəndaşlara geniş məlumat verib. Minimum əməkhaqqının 250 manata çatdırılması, bütün mərkəzi və yerli dövlət orqanlarının və onlara bərabər tutulan orqanların, habelə güc strukturlarının, hərbi qulluqçuların, eləcə də digər büdcə təşkilatları işçilərinin əməkhaqlarının 40 faiz artırılmasının vətəndaşlarımızın sosial rifahının yaxşılaşdırlması istiqamətində aparılan islahatların bir hissəsi olduğunu bildirib. İcra başçısı ötən il keçirilən bələdiyyə və son parlament seçkilərində xalqımızın böyük əksəriyyətinin cənab prezidentin siyasi kursunu və həyata keçirdiyi islahatları dəsdəklədiyini bildirib. İcra başçısı 2020-ci ildə də vətəndaşların sosial vəziyyətinin yaxşılaşdırılması və ölkəmizin inkişafı üçün şəfaflıq prinsiplərinə söykənən struktur və sosial xarakterli islahatların davam etdiriləcəyini bəyan edib.

Elşad Həsənov Cənab Prezidentin vətəndaşlara göstərdiyi diqqət və qayğının bariz nümunəsi olaraq 2019-cu il ərzində "IDEA" İctimai Birliyinin dəstəyi ilə rayon ərazisində abadlıq-quruculuq işlərinin aparıldığını və 2020-ci ildə də davam etdiriləcəyini yeni məhəllərin salınacağını diqqətə çatdırıb.

Rayon sakinləri ölkədə və paytaxt Bakıda həyata keçirilən quruculuq işlərinə görə ölkə başçısına və birinci xanıma öz minnətdarlıqlarını bildiriblər.

Görüşdə vətəndaşları narahat edən əsas məsələlər, qəzalı evlərin və binaların təmiri və su təchizatı və kanalizasiya ilə bağlı olub. İcra başçısı sakinləri narahat edən bu kimi mövzularla bağlı onlara ətraflı məlumat verib.

Sonda sakinləri narahat edən komunal problemlərlə bağlı xidmət və struktur rəhbərlərinə yerindəcə müvafiq tapşırıqlar verilib.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!