Mübariz Mənsimov FETÖ-yə görə həbs edildi

2020-03-16 13:10:08 / 2703 dəfə oxunub

"Palmali Holding”in İdarə Heyətinin sədri Mübariz Mənsimovla şirkətin meneceri Nuray Nurcihan Perker FETÖ/PDY istintaqı çərçivəsində həbs edilib. İstintaq çərçivəsində həbs edilən Mənsimov və Perkerin FETÖ üzvü olduğu və təşkilatın rəhbərləri ilə intensiv əlaqələrinin olduğu bildirilib.

Bu barədəSabah.comməlumat yayıb.

Rəhbərlərlə görüşüb

Aparılan araşdırmalar nəticəsində 667 saylı qanun hökmündə qərarnamə ilə bağlanılan Türk-Rus Fondunun təsisçisi Mənsimovun FETÖ liderləri Hamdi Akın İpek, Suat Yıldırım və Süleyman Uysalla intensiv telefon əlaqəsinin olduğu, FETÖ ilə əlaqəli olması səbəbindən Rusiya hökuməti tərəfindən bağlanılan "Atlantic İnternational School”un idarə heyətinin üzvü olduğu müəyyən edilib.

Mənsimovun FETÖ-nün Rusiya imamı olan və barəsində həbs qərarı verilən "Saffet” kod adlı Ahmet Hamdi Vuralla əlaqədə olduğu, Vuralın tez-tez Mənsimovun şirkətinə gəldiyi, onun gəlişi ilə "jammer” - siqnal kəsici cihazlarının aktivləşdirilərək tədbir görüldüyü üzə çıxıb. Həmçinin, Mübariz Mənsimovun Ahmet Hamdi Vuralla birlikdə bir çox səfərlərə çıxdığı qeyd edilib.

Muammer İhsan Kalkavanla əlaqələri

Barəsində həbs qərarı verilmiş FETÖ-çü Muammer İhsan Kalkavanın da Mənsimovun şirkətinə tez-tez getdiyi və hətta özünü şirkətin ortağı kimi apardığı qeyd olunur. Həmçinin, Mənsimovun FETÖ-nün hüquq sahəsindəki təşkilatı sayılan Yüksel-Karkın-Küçük vəkil bürosu ilə də əlaqələrinin olduğu bildirilir.

İstintaq çərçivəsində şirkətin meneceri Nuray Nurcihan Perkerin Mənsimovun bütün işlərini idarə etdiyi və birlikdə hərəkət etdikləri müəyyən edilib.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!