Abşeron dairəvi dəmir yolunda xəttə əlavə qatarlar qoşula bilər - SƏBƏB

2020-05-19 16:13:41 / 399 dəfə oxunub

Abşeron dairəvi dəmir yolunda xəttə əlavə qatarlar qoşula bilər.

Bunu Trend-in sorğusuna cavab olaraq Azərbaycan Dəmir Yolları QSC-dən bildiriblər.

Qeyd olunub ki, ötən gündən etibarən Abşeron dairəvi dəmir yolu ilə hərəkət edən sərnişinlərin sayında 600 nəfər artım olub:

"Nazirlər Kabineti yanında Operativ Qərargahın qərarına əsasən, xüsusi karantin rejimi çərçivəsində tətbiq edilən məhdudiyyətlərin bir qisminin mayın 18-dən yumşaldılması ilə əlaqədar, Abşeron dairəvi dəmir yolu istiqamətində hərəkət edən qatarlara sərnişin tələbatı nisbətən artıb. Belə ki, ötən həftə gün ərzində 2700 sərnişin daşınırdısa, mayın 18-də bu say gün ərzində 3300 nəfər olub".

QSC-dən əlavə ediblər ki, sərnişinlərin sayı çoxalsa da, bu hələ ki xüsusi çətinlik yaratmır:

"Bununla bağlı monitorinqlərimizi davam etdiririk. Artım 1000 nəfəri keçərsə, xəttə əlavə qatarların qoşulması ilə bağlı tədbir görüləcək".


Son xəbərlər
Deputatdan təbrik
2020-05-27 23:53:29
LƏTİFƏ
2020-05-26 10:41:21
Oğru qonaq saxlanıldı
2020-05-26 10:00:07
FHN iş başında
2020-05-24 08:12:49
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!