Ötən il milyarda yaxın uşaq zorakılığa məruz qalıb

2020-06-20 10:00:56 / 2913 dəfə oxunub

Ötən il 2-17 yaş arası bir milyarda yaxın uşaq bu və ya digər şəkildə təcavüzə, zorakılığa məruz qalıb.

Bu barədə TASS agentliyi BMTUşaq Fondunun (UNICEF) yayımladığı hesabata istinadən xəbər verib.

Sənədə görə, iki ilə dörd yaş arasındakı təxminən 300 milyon uşaqqəyyumları tərəfindən mütəmadi olaraq qəddar davranışla üzləşiblər.

Hesabat müəlliflərinin fikrincə, koronavirus epidemiyasının yayılmasına qarşı tətbiq olunan tədbirlər yetkinlik yaşına çatmayanlara qarşı zorakılıq hallarının qarşısının alınmasını xeyli çətinləşdirir. Belə bir vəziyyət uzunmüddətli mənfi nəticələrə səbəb ola bilər.

Pandemiya uşaq sağlamlığı və təhsili kimi sahələrdə indiyədək qazanılmış nailiyyətlərə də xələl gətirib.

Bundan əvvəl Beynəlxalq Əmək Təşkilatı və UNICEF proqnozlaşdırmışdı ki, koronavirus pandemiyası səbəbindən dünyada milyonlarla uşaq işləməyə məcbur olacaq. Eyni zamanda, onsuz da işləyən uşaqlar daha ağır vəziyyətə düşə bilərlər.

Pandemiyaya görə bağlanan təhsil müəssisələrində fəaliyyət bərpa olunduqdan sonra iqtisadi böhranla əlaqədar yaranan imkansızlıq səbəbindən təhsil almaq hər uşağa nəsib olmaya bilər.

Son xəbərlər
Deputatdan bayram təbriki
2020-07-30 20:19:16
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!