Zaqataladakı olimpiya kompleksinin yararsız vəziyyətdə olmasına səbəb nədir? - RƏSMİ AÇIQLAMA

2020-07-14 10:29:33 / 38140 dəfə oxunub

Sosial şəbəkələrdə Zaqatala Olimpiya İdman Kompleksinin təmirdən qısa müddətsonra yararsız vəziyyətə düşməsi barədə görüntülər paylaşılıb. Bildirilir ki, olimpiya kompleksi hazırda istifadəsiz, baxımsız qalıb.

Məsələ ilə bağlı Gənclər və İdman Nazirliyi ilə əlaqə saxladıq.

Qurumun Mətbuat katibi Səmayə MəmmədovaOxu.Az-a açıqlamasında bildirib ki, Zaqatala Olimpiya İdman Kompleksi Gənclər və İdman Nazirliyi tərəfindən inşa edilməyib:

"Zaqatala Olimpik” MMC adı ilə 2006-ci ildə 3 500 nəfər tamaşaçı yerli əsas stadion, 2008-ci ildə isə köməkçi stadion tikilərək istifadəyə verilib. "Zaqatala Oimpik” MMC 2015-ci ildə "Aqrarkredit”bank olmayan kredit təşkilatının balansına verilib. Tikildiyi dövrdən kompleksdə əsaslı təmir işləri görülməyib. 2012-ci ildə təmirə başlanılıb, lakin işləryarışmçıq qalıb. "Zaqatala Olimpik” MMC 2017-ci ilin iyul ayından Gənclər və İdman Nazirliyinin tabeliyinə verilib və "Zaqatala Olimpiya İdman Kompleksi” MMC kimi fəaliyyətə başlayıb. Kompleks 2017-ci ildə Nazirlər Kabinetinin müvafiq Sərəncamı ilə görüntülərdə nümayiş etdirilən vəziyyətdəNazirliyin balansına verilib”.

"Təhvil alındıqdan sonra Nazirlik obyektin əsaslı təmirə ehtiyacı olduğunu nəzərə alaraq, müvafiq qurumlara bununla bağlı təkliflər göndərib. Müvafiq qərar təsdiq edildikdən sonra nazirlik tərəfindən əsaslı təmir işlərinə başlanılacaq.

Məlumat üçün bildirək ki, Zaqatala OİK təsərrüfat hesablı olduğu üçün onun yalnız qismən saxlanılması (cari xərclər) dövlət tərəfindən idman qurğularının saxlanılması üçün nazirliyə ayrılan vəsait hesabına aparılır. Əlavə olaraq bildiriməlidir ki, olimpiya idman növləri üzrə məşqlər qurğuda pulsuz şəkildə aparılır”, - deyə, S.Məmmədova vurğulayıb.


Son xəbərlər
Dünyanın ləkələri
2020-10-21 12:50:18
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!