Ehsan Zahidov: Qaydalara riyayət etməklə bütün çimərliklər vətəndaşların üzünə açıqdır

2020-08-07 11:25:15 / 3970 dəfə oxunub

Karantin qaydalarına riyayət etməklə, bütün çimərliklər vətəndaşların üzünə açıqdır.

Bunu Trend-ə açıqlamasında Daxili İşlər Nazirliyinin Mətbuat Xidmətinin rəisi Ehsan Zahidov bildirib.

Onun sözlərinə görə, çimərliklərdə tələb olunan qaydalar isanların sağlamlığı üçün atılan addımlardı:

"Ümumi karantin qaydaları ilə bərabər çimərliklərdən istifadəyə dair də karantin qaydaları mövcuddur. Çimərliyə gələn hər bir şəxsdən bu qaydalara əməl etməsi tələb olunur. Əsas qaydalardan biri sosial məsafənin qorunmasıdır, bundan əlavə çimərliyə gələn vətəndaşlardan çox dərinliyə getməmək, suyun təhlükəli yerlərindən uzaq durmaq tələb olunur. Hər bir qaydalar insanların sağlamlığı və təhlükəsizliyi üçün atılan addımlardı. Karantin qaydalarına riyayət etməyən şəxslər barəsində polis tərəfindən tədbir görüləcək”.

Mətbuat xidmətinin rəisi əlavə edib ki, məhz ötən gün çimərlikdə xidmət aparan polis əməkdaşları suda boğulan iki nəfəri ölümdən xilas ediblər:

"Həmin hadisələrdən biri Buzovna qəsəbəsindəki çimərliyində baş verib. Polis əməkdaşı həmin ərazidə xidmət aparan zaman 11 yaşlı N.Qurbanovanın boğulduğunu görüb. Dərhal həyatını təhlükə altına qoyaraq suya atılan polis serjantı onu xilas edib. Vaxtında edilən kömək nəticəsində azyaşlının həyatı xilas olunub”.


Son xəbərlər
Etibarın itməsi...
2020-09-23 15:31:02
Məktəblər bağlanacaq
2020-09-22 12:22:12
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!