Qurban Məmmədovu Əli Həsənov belə xilas etdi - İstanbuldan Londona təcili uçuş

2020-09-17 15:44:17 / 1049 dəfə oxunub

Azərbaycan Baş Prokurorluğunun beynəlxalq axtarışa verdiyi Qurban Məmmədovun Türkiyədə saxlanıldığına dair xəbərlər yayıldı. Ardınca oğlu Qoşqar Məmmədov bunu təkzib etdi və atasının Londonda olduğunu bildirdi. Halbuki, Məmmədovun Türkiyədə saxlanıldığı xəbərini də elə oğlu yaymışdı.

Demokrat.az Qurban Məmmədovla bağlı əslində nə baş verdiyi haqda məlumatlar əldə edib.

Məlumata görə, Q.Məmmədov Türkiyədə saxlanılıb və onun Azərbaycana ekstradisiyası ilə bağlı proses başlanıb.

Lakin son anda bu baş tutmayıb və Məmmədov İngiltərəyə uçub.

Mənbə saxlanılan Q.Məmmədovun Azərbaycana ekstradisiyasının qarşısını Prezidentin keçmiş köməkçisi, hazırda Türkiyədə olan Əli Həsənovun aldığını deyir.

Əli Həsənov Türkiyədəki bütün əlaqələrindən istifadə edərək, Məmmədovun Bakıya göndərilməsinə mane olub və onun təcili İngiltərəyə uçuşunu təşkil edib. Çünki Məmmədov Azərbaycana ekstradisiya olunsaydı, istintaqa hər şeyi etiraf edəcəkdi, bununla da Ə.Həsənovun dövlətə qarşı oyunları ifşa olunacaqdı.

"Həsənov Məmmədovun Bakıya göndərilməməsi üçün bütün imkanlarından istifadə etdi”, - mənbə bildirir.

Son xəbərlər
Rəzalət davam edir...
2020-10-29 16:49:37
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!