ABŞ-da türk restoranına hücum edən ermənilərdən biri həbs olundu

2020-11-13 09:10:05 / 550 dəfə oxunub

ABŞ-ın Beverli Hils şəhərində türklərə məxsus "Cafe Istanbul” restoranına hücum edən erməni icmasının radikal üzvlərindən biri saxlanılıb.

Trend-in məlumatına görə, bu barədə Beverli Hils şəhərinin Polis Departamentinin saytı məlumat yayıb.

Bildirilib ki, Federal Təhqiqat Bürosu və Los-Anceles Polis Departamentinin ilə birgə aparılan istintaq nəticəsində noyabrın 4-ü cinayətin törədilməsində əsas şübhəli bilinən şəxslərdən biri həbs olunub. Həmin şəxs ötən gün səhər Qlendeyl şəhərində saxlanılıb.

Qeyd edək ki, Beverli Hils Polis İdarəsinin məlumatına əsasən 6-8 nəfərdən ibarət qrup hücum zamanı restoran sahiblərinə xəsarət yetirərək və restoranın əmlakına qarşı vandallıq edərək külli miqdarda ziyan vurub.

Cinayətkarlar Azərbaycan və Türkiyə əleyhinə təhqiramiz ifadələr səsləndiriblər. Restoranın sahibləri arxa qapıdan qaçaraq cinayətkarlardan xilas ola biliblər.

Son xəbərlər
Qumbara Tərlan!
2020-12-03 11:36:33
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!