KATV1 öz infokanalının adını və konsepsiyasını dəyişdi

2016-04-12 13:13:00 / 7066 dəfə oxunub

Cənubi Qafqazın aparıcı telekommunikasiya və kabel televiziyası operatorlarından olan KATV1 öz şəbəkəsində yayımlanan ÇartBox infokanalının adını dəyişib.

KATV1-dən verilən məlumata görə, telekanal artıq Myvideo TV adı altında yayımlanacaq.

Myvideo TV, həmçinin yeni konsepsiyaya uyğun inkişaf edəcək. Əsasən 15-35 yaş qrupu çərçivəsində teletamaşaçı auditoriyasına ünvanlanan telekanalda yaxın 3 ildə maraq əhatəsinə uyğun müxtəlif yeni telelayihələrin hazırlanması nəzərdə tutulub. Azərbaycan teleməkanında gənclərə ünvanlanmış digər telelayihələrdən fərqli olaraq, Myvideo TV "əyləncə və fərdi inkişaf" formatlarının sintezini nəzərdə tutub.

Yaxın zamanlarda yeni formatda olan ilk telelayihə müxtəlif sahələrdə gənc istedadların üzrə çıxarılması və ictimaiyyətə təqdim ediılməsinə xidmət edəcək.

KATV1-də yeni formatın əsas məqsədini açıqlayıblar: "Azərbaycanda indiyədək tam olaraq gənc auditoriyaya ünvanlanan telekanal yox idi. Myvideo TV bu son dərəcə mühüm və televiziya sahəsində perspektivli istiqaməti əhatə etmək niyyətindədir. Məqsədimiz gəncləri yalnız əyləndirmək deyil, həm də müxtəlif sahələr üzrə maraqlı bir formatda maarifləndirməkdir".

Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!