Ukrayna prezident ofisinin müşaviri Aleksey Arestoviç Rusiyanın Dneprdə hava hücumundan müdafiə raketinin vurulması ilə bağlı bəyanatını ciddi səhv adlandırıb.

O, rusiyalı hüquq müdafiəçisi Mark Feyqinlə “YouTube”da söhbətində bəyanatla bağlı qalmaqala münasibət bildirib. Onun fikrincə, şəbəkədə belə qınaq dalğası cəmiyyətdəki güclü gərginlik, yaxud bot şəbəkəsi tərəfindən təşkil oluna bilər.

O, sözlərindən inciyən insanlardan üzr istəyib:

“Mən həlak olanların və yaralananların qohumlarından və yaxınlarından üzr istəyirəm. Bu faciəni şəxsən yaşayan və partlayış eşidən Dnepr sakinlərindən üzr istəyirəm, onlar bilirlər ki, yalnız bir raket olub. Həm də sözlərimdən inciyən bütün ukraynalılar və qeyri-ukraynalılardan da üzr istəyirəm”.

Xatırladaq ki, yanvarın 14-də  rusiyalılar Dnepr çayına raket zərbəsi endiriblər.  “X-22” raketi 1,1 mindən çox insanın yaşadığı çoxmərtəbəli yaşayış binasının bütün girişini məhv edib.

Axşam Arestoviç bildirib ki, guya bu raket Ukraynanın hava hücumundan müdafiəsi tərəfindən vurulub. Ukrayna Silahlı Qüvvələrinin Hərbi Hava Qüvvələri onun sözlərini təkzib edib.

Bu, sosial şəbəkələrdə kəskin reaksiyaya səbəb olub.

Yanvarın 16-da məlum olub ki, Ukrayna Ali Radasında Arestoviçin işdən çıxarılması üçün imzalar toplanır.