Ronaldo Messini təbrik etdi

Əfsanəvi braziliyalı futbolçu Ronaldo tvitter hesabında Argentina millisinin kapitanı Lionel Messini təbrik edib.

Sabahinfo.az xəbər verir ki, o, Argentina millisinin 2022-ci il dünya çempionatının finalında Fransa üzərində qazandığı qələbəni şərh edərək yazıb:

“Təkcə dünya çempionatının ulduzu deyil, həm də bütöv bir dövrün kapitanı olan dahiyə layiq vida”.

Qeyd edək ki, Argentina dünya çempionatının finalında Fransaya qalib gəlib. Argentina millisi üçün mundialdakı bu qələbə tarixdə üçüncü olub. Bundan əvvəl argentinalılar 1978 və 1986-cı illərdə çempion adını qazanıblar.