Milli Məclisin 2023-cü ilin yaz sessiyasında Regional məsələlər komitəsinin ilk iclası keçirilib

Yanvarın 19-da Milli Məclisin Regional məsələlər komitəsinin 2023-cü ilin yaz sessiyasında ilk iclası keçirilib.

İclası açan komitə sədri Siyavuş Novruzov parlamentin 2023-cü il yaz sessiyasında deputatlara uğurlar diləyib. Komitə sədri 2022-ci ilin ölkəmiz üçün uğurlu keçdiyini bildirib. O, Prezident İlham Əliyevin rəhbərliyi ilə keçən il Azərbaycanda sistemli islahatların davam etdirilməsi, idarəetmədə səmərəliliyin artırılması, ölkənin beynəlxalq nüfuzunun yüksəldilməsi, milli maraqlarının qətiyyətlə qorunması, milli suverenliyin müdafiəsi kimi istiqamətlərdə əldə olunan nailiyyətləri vurğulayıb və 2023-cü ildə də bu nailiyyətlərin davamlı olacağına əminliyini bildirib.