“44 günlük Vətən müharibəsindən sonra işğaldan azad edilən Qarabağ və Şərqi Zəngəzurda aparılan sürətli bərpa-quruculuq işləri nəticəsində “Böyük qayıdışı” təmin edilmir, eyni zamanda bu ərazilərdə həyata keçirilən iqtisadi layihələr ölkə iqtisadiyyatına öz töhfəsini verməkdədir. Bir sözlə Qarabağ və Şərqi Zəngəzur ölkə iqtisadiyyatına sürətlə reinteqrasiya olunmaqla Azərbaycanın daha da güclü dövlət çevrilməsində öz rolunu oynamaqdadır. Cənab Prezident İlham Əliyevin sonuncu Kəlbəcərə, Ağdərəyə səfəri və səfər çərçivəsində orada görülən işlərlə tanış olması bunun bariz nümunəsidir”.
Bunu Avrasiya.net-ə açıqlamasında Milli Məclisin deputatı Müşfiq Məmmədli deyib.
Onun sözlərinə görə, cənab Prezidentin Kələbəcərə və Ağdərəyə səfəri bird aha onu sübut etdi ki, işğaldan azad olunan ərazilərdə həyat yenidən öz əvvəlki məcarasına dönməkdədir: “Qısa zaman kəsiyində görülən titanik işlər nəticəsində mürəkkəb coğrafi şəraitdə yerləşən Kəlbəcər tamamilə yeni formada müasir şəhər modelinə uyğun şəkildə qurulmaqdadır. Görülən işlər nəticəsində 33 ildən sonra kəlbəcərlilər öz dogma yurdlarına əbədi olaraq dönməyə başlayıblar. Yaxın müddətdə Kəlbəcər şəhərində 10 min insanın yaşaması üçün bütün şərait yaradılacaq. Bundan əlavə olaarq Kəlbəcərin bir neçə kəndinə qayıdışın təmin edilməsi istiqamətində sürətli işlər getməkdədir. Məqsəd təkcə sakinlərin öz yurdlarına dönüşünü təmin etmək yox, eyni zamanda onların dogma yurdlarına işlər təmin olunması istiqamətində də genişmiqyaslı işlər həyata keçirilməkdədir. Bunun üçün də Kəlbəcərdə bir çox layihələr həyata keçiriləb və bu proses davam etməkdədir.
Cənab Prezident özü dəfələrlə bəyan edib ki, Qarabağ və Şərqi Zəngəzur bölgənin həm iqtisadi, həm turizm, həm mədəni, həm logistik, həm “yaşıl enerji” mərkəzi olacaq.
Ötən 5 ildə görülən işlər onu əminliklə deməyə əsas verir, ölkə başçısının bu istiqamətdə müəyyən etdiyi və uğurlu həyata keçirilən siyasət nəticəsində Kəlbəcər də daxil olmaqla, bütövükdə Qarabağ və Şərqi Zəngəzur ən qısa tarixdə nəinki Azərbaycanın, Qafqazın və dünyanın ən cəlbedici, gözəl məkanı olacaq: “Bunun üçün Azərbaycanın yetərincə potensialı və gücü var”.
Deputat eyni zamanda ölkə başçısının Kələbəcərdən verdiyi mesajlara da toxunaraq qeyd edib ki, dünya birliyi, beynəlxalq aləmin Qələbəmizi və yeni reallıqları tam qəbul etməsi özlüyündə tarixi hadisədir: “İşğal və müharibə dövründə Ermənistanı dəstəkləyən böyük dövlətlər bizə hər zaman böyük problemlər yaradırdısa, lakin İkinci Qarabağ savaşından sonra yaratdığımız reallıqları qəbul edir. Azərbaycanla hesablaşmayanlarsa nəticədə peşman olur.
Bunu Ermənistan-Azərbaycan müharibəsi, Vətən müharibəsi, müharibədən sonrakı dövr göstərmişdir və bunu bugünkü reallıqlar da göstərir. Cənab prezidentin də bəyan etdiyi kimi, Azərbaycan dövləti və xalqı buna layiqdir. Oan görə də dünya ölkələri nə vaxtsa bizə qarşı hansısa bəd əməllər haqqında düşünərsə, ilk növbədə yaxın tarixin acı nəticələrinə diqqət yetirib ibrət dərsi çıxarsa yaxşı olar. Azərbaycan son 80 il ərzində dünyada Azərbaycan qədər tam və mütləq qələbə qazanan yeganə ölkədir. Bu reallıq başa düşən üçün çox şey deyir.
Bu gün Cənubi Qafqazda sülhün memari və təminatçısı rolunda çıxış edən Azərbaycanın qarşısında duran əsas hədəf Cənubi Qafqazı sabitlik adasına çevriməklə Avrasiya coğrafiyasının qarşılqılı maraqlara əsaslanan əməkdaşlıq məkanına çevirməkdir.
Cənab Prezident İlham Əliyevin qlobal çağırışlara çevik reaksiya verib ona uyğun yürütdüyü diplomatiya nəticəsində bu hədəflərə də nail olunacaq”
