Milli Məclisin deputatı Məlahət İbrahimqızı Azərbaycanın I vitse-prezidenti Mehriban Əliyevanı təbrik edib. sabahinfo.az xəbər verir ki, təbrikdə deyilir:
Azərbaycanın Birinci Xanımı, Heydər Əliyev Fondunun yaradıcısı və pezidenti, UNESCO və İSESKO-nun xoşməramlı səfiri, Milli Məclisin deputatı Mehriban xanım Əliyevanın Azərbaycan Respublikasının Birinci vitse-prezidenti vəzifəsinə təyin olunması münasibətilə!
Əziz Mehriban xanım,
Sizə Azərbaycan mədəniyyətinin qoruyucusu və təbliğatçısı , səhiyyənin hamisi , müasir təhsilin banisi , xeyirxahlıq mələyi, kimsəsizlərin kimsəsi dedilər...
Siz insanlığa xidmət etməkdən yorulmadınız, əksinə bundan zövq aldınız və xidmət etdikcə sevginiz və şöhrətinizlə sərhədlərə sığmaz oldunuz. Humanizmin, mərhəmətin, məsuliyyətin və vicdanın vətəninə və vətəndaşına xidmət etməyin təməl prinsipləri olduğunu əməlinizlə sübut etdiniz.
Siz, təkcə xalqımızın yaratmış olduğu maddi-mənəvi irsin müdafiəçisi olmaqla yetmədiz, həm də dünya insanını bəşəriyyətin qazanmış olduğu mənəviyyat xəzinəsini qorumağa çağırdınız.
Ədalətsizliyin, haqsızlığın, zülmün qurbanı olan insanların və məkanların, Qarabağın, Xocalının, eşidilməyən səsi və görməyən gözü oldunuz. Dünyanın harasında sızlayan bir ürək, ağlayan bir göz , çarəsiz bir insanın olduğunu bildinizsə, onların harayına yetişdiniz, onların ümidi oldunuz.
Siz dünyanın gələcəyi naminə fərqli mədəniyyətlərə, fərqli dillərə və inanclara, rənglərə malik insanları dialoqa çağırdınız. Dünyanın gözəlliyini və gələcəyini bu fərqlilikdə və bütövlükdə gördünüz. İnsanları güc və zor dili ilə deyil, mədəniyyət, sevgi , humanizm dili ilə münasibətlər qurmağa səslədiniz, ucalmağın və ucaltmağın, əbədiyaşar olmağın, könüllərdə abidələr qurmağın yolunu göstərdiniz. Siz xeyirxah əməllərinizlə insanlığa, bəşəri dəyərlərə xidmət edərək , xidmətinizlə onun rəmzinə çevrildiniz.
Əziz Mehriban xanım,
İndi Siz yeni və şərəfli bir xidmət yolunun uğurlu başlanğıcındasınız.
Bu gün Sizə tək seçiciləriniz deyil, möhtərəm Prezidentimizin simasında bütün Azərbaycan xalqı etimad göstərərək , Sizə xeyir dua edir və yeni vəzifənizdə sonsuz uğurlar arzulayaraq, ali vəzifəniz mübarək olsun deyir.
