Şəmkir sakini sevgilisini qətlə yetirdi

Şəmkir rayonu ərazisində qətl hadisəsi baş verib.
Publika.az xəbər verir ki, hadisə rayonun mərkəzində, fərdi evlərdən birində qeydə alınıb.
Sabahinfo.Az teleqraf.com-a istinadən bildirir ki, rayon sakini Marina Məmmədova evində qətlə yetirilib. Onu evinə gəlmiş rayonun Keçili kənd sakini Arzu Alıyev öldürüb. Cinayəti törədən Arzu Alıyev könüllü rayon polis şöbəsinə gələrək istintaqa təslim olub.
İlkin məlumata görə, Arzu Alıyev Marina Məmmədova ilə qeyri-rəsmi münasibətdə olub. Hadisə qısqanclıq zəminində baş verib.
Faktla bağlı Şəmkir rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.