Özbəkistan Prezidenti Şavkat Mirziyoyev Azərbaycan Prezidenti İlham Əliyevin dəvəti ilə avqustun 22-23-də Azərbaycanda səfərdə olacaq.

Sabahinfo.az xəbər verir ki, bu barədə Özbəkistan prezidentinin mətbuat xidməti məlumat yayıb.

"Azərbaycan Respublikasının Prezidenti İlham Əliyevin dəvəti ilə Özbəkistan Respublikasının Prezidenti Şavkat Mirziyoyev avqustun 22-23-də Azərbaycana səfər edəcək. Səfər proqramında iki ölkə liderlərinin iştirakı ilə yüksək səviyyəli danışıqların aparılması və digər tədbirlərin keçirilməsi nəzərdə tutulur”, - məlumatda deyilir.

O cümlədən, gündəliyə ikitərəfli strateji tərəfdaşlıq münasibətlərinin inkişafı və prioritet istiqamətlər üzrə praktiki əməkdaşlığın genişləndirilməsi məsələlərinin müzakirəsi daxildir. Danışıqların yekununda bir sıra ikitərəfli sazişlərin imzalanması planlaşdırılır.