"Azərbaycanda “Sosial sığorta haqqında”, “Diplomatik xidmət haqqında” qanunlara və Vergi Məcəlləsinə dəyişiklik edilməsi barədə qanun layihələri qəbul edildikdən sonra diplomatik xidmət əməkdaşlarının maaşları artırılacaq".
Sabahinfo.az xəbər verir ki, bunu Milli Məclisin bu gün keçirilən plenar iclasında parlamentin İqtisadi siyasət, sənaye və sahibkarlıq komitəsinin sədri Tahir Mirkişili deyib.
"Bu artım 2023-cü il dövlət büdcəsində nəzərə alınıb. Layihənin maliyyə yükü bəllidir. Gələn il bunun maliyyələşməsi üçün hər hansı çətinlik gözlənilmir", - deyə komitə sədri vurğulayıb.
