"Mercedes" oğrusu tutulub

Aprelin 27-də polisin qanuni tələblərinə tabe olmadığı üçün 5 gün müddətində həbs edilmiş şəxsin daha 2 cinayət törətdiyi üzə çıxıb. Sabahinfo.az-ın Daxili İşlər Nazirliyinə istinadən məlumatına görə, Sumqayıt şəhər sakini İsgəndər Atakişiyevin ətrafında DİN-in Kriminalistik Təhqiqatlar İdarəsi və Sumqayıt ŞPİ əməkdaşları tərəfindən aparılmış əməliyyat tədbirləri ilə onun həmyerlisi, əvvəllər məhkum olunmuş Tamerlan Musayevlə birgə aprelin 27-də Anar Əzimova və Həşim Qasımova məxsus "Mercedes” markalı avtomobilləri qaçırması da müəyyən edilib.