Dünya tarixinə nəzər salsaq, görərik ki, hər bir xalqın taleyində liderlik missiyasını üzərinə götürərək xalqının, ölkəsinin xilaskarına çevrilmiş şəxslər olmuşdur.
Müstəqil Azərbaycan üçün ən çətin, 1980-ci illərin sonu 90-cı illərin əvvələrində daxili çəkişmələr, hakimiyyət uğrunda mübarizə, siyasi, iqtisadi böhran, dövlətçiliyin mövcudluğunu sual altına qoymuşdu. Ölkəmizdə səriştəsiz rəhbərlərin fəaliyyətsizliyi nəticəsində Erməni qəsbkarlar torpaqlarımızı işğal edir, soydaşlarımız öz ata-baba yurdlarında qaçqına çevrilirdilər. 1991-1993-cü illər ölkəmizin müasir tarixində hərc-mərclik, özbaşınalıq, avantürist eksperimentlər dövrü kimi xatırlanır.
Bütün bunlar isə həmin dövrdə yeni yaradılmış müstəqil dövlətə liderlik xüsusiyyətlərinə malik olmayan, siyasi hadisələrə qiymət vermək, gələcəyi görmək imkanlarından məhrum olan, adi vəziyyətdən belə çıxış yolu tapmağa qadir olmayan şəxslərin rəhbərlik etməsinə görə baş verirdi. Hadisələri düzgün qiymətləndirə bilməyən ovaxtkı iqtidar əhali arasında gündən-günə nüfuzunu itirir, baş vermiş proseslərdən düzgün nəticə çıxara bilmirdi.Belə bir ağır zamanda xalqın yeganə ümid yeri olan Heydər Əliyevin təkidli tələblə 1993-cü ildə yenidən Azərbaycana siyasi hakimiyyətə qayıdışı, müdrik və qətiyyətli, uzaqgörən rəhbərliyi, sayəsində Azərbaycanda xalq, iqtidar birliyi yarandı, ölkəmiz böhrandan çıxaraq inkişaf yoluna qədəm qoydu.
15 iyun 1993-cü il tarixi Ulu Öndərin xalqımızın Qurtuluşuna imza atdığı mühüm tarixi hadisədir. Elə həmin ilin 24 iyun tarixində isə dahi şəxsiyyətimizin ölkədə Prezident səlahiyyətlərini icra etməsi və oktyabrında Prezident seçilməsi xalqın Ulu Öndərə olan sevgisinin bariz nümunəsi idi. Azərbaycan həmin dövrdən etibarən 10 il ərzində böyük inkişaf yoluna qədəm qoyub, saysız-hesabsız uğurlara imza atdı. Bu gün Azərbaycan qüdrətli dövlətə çevrilib. Ərazi bütövlüyümüz tam şəkildə təmin edilib. Düşmənlərimiz döyüş meydanında darmadağın edilib.
Dahi liderin siyasi məktəbində layiqli dərs almış cənab İlham Əliyev hakimiyyətə gəldiyi 2003-cü ildən başlayaraq həyatımızın bütün sahələrində Azərbaycan böyük bir inkişaf yolu keçdi və regionun ən qüdrətli dövlətinə çevrildi. Vətənini, torpaqğını sevən yeni gənc nəsil yetişdi, ən müasir silahlarla təchiz edilmiş Milli Ordumuz yarandı.Məhz bu gəncliyin, Ordunun qüdrəti, Ali Baş Komandanın hərb, diplomatiya, iqtisadi inkişaf istiqamətində müdrik siyasəti, dəmir yumruğu sayəsində 44 gün ərzində düşmən üzərində möhtəşəm Qələbəyə nail olduq. Bu möhtəşəm Qələbəmizdə biz Xalq-Prezident-Ordu birliyinin möhtəşəmliyinin bir daha şahidi olduq.
