Türkiyənin əksər daşıyıcıları Rusiya və Türkiyə arasında əlaqələrin yaxınlaşmasından sonra da Azərbaycan üzərindən Mərkəzi Asiyaya yüklərin daşınmasından imtina etməyəcəklər.

Bunu Trend-ə TRACECA (Avropa-Qafqaz-Asiya) nəqliyyat sahəsində əməkdaşlıq proqramının Azərbaycan üzrə milli katibi Akif Mustafayev deyib.

Onun sözlərinə görə, Türkiyə Azərbaycan vasitəsilə Qazaxıstan və Türkmənistana yük daşıdığı qısa vaxt ərzində daşıyıcılar bu marşrutun etibarlılığına və təhlükəsizliyinə əmin olublar: "Azərbaycan rəhbərliyinin apardığı islahatlar öz səmərəsini verdi və Türkiyə əmin oldu ki, bu marşrut təhlükəsiz və etibarlıdır, ən əsası iqtisadi baxımdan sərfəlidir”.