Ermənistan regionda sülhün bərqərar olmasını istəyir.

Sabahinfo.az xəbər verir ki, bu barədə Ermənistan Təhlükəsizlik Şurasının katibi Armen Qriqoryan bildirib. 

Onun sözlərinə görə, Ermənistanla Azərbaycan arasında sərhədlərin müəyyənləşdirilməsi prosesi regional sabitliyin formalaşmasında mühüm rola malikdir: "Sülhün bərqərar olması prosesində növbəti mühüm addım regional nəqliyyat və iqtisadi əlaqələrin blokdan çıxarılmasına yönəlmiş gələcək razılaşmaların əldə edilməsidir. Ermənistan həqiqətən də Cənubi Qafqazda inklüziv regional və transsərhəd əlaqələrin inkişafında maraqlıdır. Rabitə kanallarının blokdan çıxarılması məqsədinə nail olmaq üçün Ermənistan aşağıdakı dörd prinsipə hörmət etdiyini vurğulayır: suverenlik, yurisdiksiya, qarşılıqlılıq və bərabərlik. Biz inanırıq ki, bir-biri ilə əlaqəli və iqtisadi cəhətdən çiçəklənən region davamlı sülhün açarı olacaqdır. Məhz bu anlayışla Ermənistan "Sülhün kəsişməsi" layihəsini təqdim etdi. Bu təşəbbüs Ermənistanla qonşu ölkələr arasında kommunikasiyanı inkişaf etdirmək məqsədi daşıyır. "Sülh yollarının kəsişməsi" körfəzləri, Qara dənizlə Xəzər dənizini səmərəli şəkildə birləşdirmək baxımından böyük potensiala malikdir. Bu, regionun bütün ölkələrinə böyük iqtisadi, sosial və siyasi faydalar gətirəcək".