Zəfər günü ilə əlaqədar deputat Hicran Hüseynovanın müraciəti əsasında Qızıl Aypara Cəmiyyətinin Sumqayıt şəhər bölməsində bir qrup şəhid, qazi və aztəminatlı ailələrə gigiyenik vasitələr paylanılmışdı. Tədbirdə QAC Sumqayıt şəhər bölməsinin sədri Mətanət Məhərrəmova qonaqları salamlayaraq,bu gözəl təşəbbüs ücün millət vəkillərimizə minnətdarlığını bildirdi.
Sabahinfo.az xəbər verir ki, Zəfər bayramı ərəfəsində baş tutan tədbirdə Müzəffər ordunun Ali Baş Komandanı Cənab İlham Əliyevin rəhbərliyi altında 44 günlük Vətən müharibəsində qazanılan qalibiyyətdən, ordumuzun göstərdiyi şücaətindən danışıldı. Daha sonra siyahı əsasında millət vəkillərinin nümayəndələri ilə birgə bu qəbildən olan insanlara gigiyenik vasitələr bölmə könüllüləri tərəfindən təqdim olundu. Tədbirin sonunda xatirə şəkilləri cəkildi.
