Şəkidə ağır yol-nəqliyyat hadisəsi zamanı ana və azyaşlı övladı ölüb.

“Report”un məlumatına görə, hadisə Şəki rayonunun Kövər Zəyzid kəndi ərazisində qeydə alınıb.

Belə ki, 35 yaşlı Emin Rəsulzadənin idarə etdiyi KIA “Sportage” markalı avtomobil yoldan çıxaraq aşıb.

Nəticədə sürücünün həyat yoldaşı 40 yaşlı Səbinə Rəsulzadə və 3 yaşlı oğlu Eldar Rəsulzadə hadisə yerində ölüb.

E.Rəsulzadə və onun qızı 9 yaşlı Nəzrin Rəsulzadə müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdiriliblər.