Suriya kürdləri Palmira şəhəri ətrafında gedən döyüşlərdə həlak olan baş leytenant Aleksandr Proxorenkonunu cəsədini Rusiya nümayəndələrinə təhvil veriblər.

Sabahinfo.az Rusiya KİV-nə istinadən xəbər verir ki, kürd dəstələrinin rəsmisi Kidur Xalil cəsədin İŞİD-lə aparılan danışıqlardan sonra geri alındığını deyib.

"Rusiya hökumətinin xahişi ilə Palmira ətrafında ölən rus zabitinin cəsədini İŞİD-lə aparılan danışıqlardan sonra geri ala bildik”.

25 yaşlı Aleksandr Proxorenko martın 24-də Suriya ordusu ilə İŞİD arasında Palmira şəhəri uğrunda gedən döyüş zamanı həlak olmuşdu. Ölümündən sonra ona Rusiya Milli Qəhrəmanı adı verilib.