Azərbaycanda səfərdə olan erməni deputatlar Bakıda gəzintiyə çıxıblar.
AzVision.az-ın məlumatına görə, Ermənistan Parlamentinin Xarici əlaqələr komitəsinin sədri Armen Aşotyan və deputat Mane Tandilyan şəhərin mərkəzi küçələrini gəzib, "Qız qalası"nda olublar.
Nümayəndə heyəti paytaxtda yerləşən erməni kilsəsində də baş çəkiblər. Daha sonra restoranların birində nahar ediblər.
Qeyd edək ki, Ermənistan Parlamentinin Xarici əlaqələr komitəsinin sədri Armen Aşotyan və deputat Mane Tandilyan Bakıda keçirilən "Dayanıqlı İnkişaf Məqsədləri üzrə gender bərabərliyinin və qadın sağlamlığının təşviqinə "Şərq Tərəfdaşlığı” ölkələri parlamentlərinin cəlb edilməsi” adlı beynəlxalq konfransda iştirak etmək üçün Azərbaycana gəliblər.
jpg-1751551633.jpg)
