İqtisadiyyat Nazirliyi son günlər bəzi kütləvi informasiya vasitələrində taksi fəaliyyəti üçün lisenziyanın tələb olunması barədə yayılan məlumatlara münasibət bildirib.

Nazirlikdən Lent.az-a verilən məlumata görə,  ölkə prezidentinin"Lisenziyalaşdırma sahəsində bəzi tədbirlər haqqında"  fərmanına və "Lisenziyalar və icazələr haqqında" qanuna əsasən, taksi fəaliyyəti üçün lisenziya alınması tələbi ləğv olunub.

Nazirlər Kabinetinin 2006-cı il 9 fevral tarixli qərarına görə, taksi fəaliyyətini həyata keçirən şəxslər sadələşdirilmiş verginin ödənilməsi ilə bağlı Bakı şəhəri üzrə Bakı Nəqliyyat Agentliyindən, ölkənin digər ərazisində isə Nəqliyyat Nazirliyindən "Fərqlənmə nişanı" almalıdırlar.