Yerevanda döyüş gedir

Polislərlə atışma nəticəsində PPX bölməsini zəbt edən qrupun üzvü yaralanıb.

Ermənistanda PPX bölməsini zəbt edən "Sasna tsrer” qrupunun üzvü, "tənha canavar” ləqəbli Araik Handoyan yaralanıb. 

sabahinfo.az "News.am”a istinadən xəbər verir ki, bu barədə məlumatı "Təsisçi parlament” yayıb. 

"Sasna tsrer”in üzvü Varujan Avetisyan bildirib ki, Handoyan ayağından yaralanıb. Onun sözlərinə görə, Handoyan "pilotsuzdan nəyin düşdüyünə baxmaq üçün yaxınlaşıb, bu zaman onu snayper yaralayıb”.

Eyni zamanda qiyamçıların liderlərindən biri Varujan Avetisyan jurnalistlərlə əlaqəyə girərək bildirib ki, zəbt edilən polis bölməsinin ərazisinə naməlum predmetlər atılır. 

Polisdə bu məluamtlar təsdiqlənib. Qeyd edilib ki, "hüquq-mühafizə orqanlarının tələblərinə zidd olaraq PPX bölməsində atəşlər eşidilib, polislər cavab atəşi açıblar, nəticədə atəş açanlardan biri Araik Handoyan yaralanıb”.