Rusiya XİN rəsmisi bildirib ki, ölkəsi münaqişənin həlli üçün böyük səylər göstərir.

Rusiyanın Dağlıq Qarabağ məsələsində bir mövqeyi var - münaqişəsini tezliklə həll etmək.

sabahinfo.Az-ın Trend-ə istinadən verdiyi məlumata görə, bu sözləri Yerevanda Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib.

"Biz münaqişənin nizamlanmasında real irəliləyişə nail olmaq üçün böyük səylər göstəririk”, - deyə Mariya Zaxarova bildirib.

Prezidentlərin növbəti görüşü barədə sualı cavablandıran XİN-in rəsmisi qeyd edib ki, bu məlumatı münaqişə tərəfləri təqdim etməlidirlər.

"Mən deyə bilərəm ki, Rusiya tərəfinin mövqeyi bir məqsədə yönəlib - tezliklə bu münaqişəni sülh yolu ilə həll etmək. Və biz bunun üçün əlimizdən gələni edirik”, - deyə Mariya Zaxarova bildirib.

Rusiyanın Sankt-Peterburq görüşünü keçirməklə münaqişənin nizamlanmasını öz əlinə almaq istədiyi barədə fikirlə Zaxarova razılaşmayıb: 

"Bütün həmsədrlərə görüş barədə lazımınca məlumat verilib”.