Martın 5-də Kürdəmir rayonunda qətl törədilib.  Axtaçı Qarabucaq kəndində naməlum şəxs tüfəngdən atəş açaraq Axtaçı kənd sakini, 1994-cü il təvəllüdlü Neman Budaqova xəsarət yetirib. Nəticədə N.Budaqov hadisə yerində ölüb. Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətmiş kənd sakini, 1992-ci il təvəllüdlü Toğrul Bağırov tutulub. T.Bağırov ilkin ifadəsində hadisəni münaqişə zəmində söyüş üstündə törətdiyini deyib. Araşdırmalar davam etdirilir.