15 noyabr tarixində Abşeron rayonu 15 saylı körpələr-evi uşaq bağçasında "Məhsul Bayramı” münasibətilə tədbir keçirilib. Tədbirdə 15 saylı körpələr-evi uşaq bağçasının müdiri Mətanət Novruzova və bağçanın kollektivi iştirak ediblər. İlk öncə tədbiri açıq elan edən 15 saylı körpələr-evi uşaq bağçasının müdiri Mətanət Novruzova qonaqları və valideynləri salamlayaraq tədbirə uğurlar diləyib.M.Novruzova çıxışında məhsul bayramının ənənəvi olaraq 15 saylı körpələr-evi uşaq bağçasında yüksək səviyyədə keçirildiyini diqqətə çatdıraraq, qeyd edib ki, bolluq, gözəllik və rəngarəngliyi özündə ehtiva edən payız fəslinin balaca fidanların obrazlarında canlanması tədbirə daha gözəl rəng qatır.M.Novruzova onlara gələcək həyatlarında uğurlar diləyib. Daha sonra tədbir balaca fidanların hazırladıqları payız fəsilinin nümayiş edildiyi əyləncəli proqramla davam etdirilib. Tədbirin sonunda məhsul bayramını sinvollarını əks etdirən tort kəsilib,xatirə şəkilləri çəkdirilib.