Erkin Qədrlinin bu fikirləri əsla başa düşülən deyil

“Azərbaycan müstəqilliyini bərpa etdiyi ilk illərdə ölkədə xaos, anarxiya və özbaşınalıq hökm sürürdü. 

Xatırlayırsınızsa, 1991-1993-cü illərdə hakimiyyəti zorla ələ keçirmək üçün cəhdlər edilirdi. 1993-cü ilin oktyabrında ümummilli liderimiz Heydər Əliyevin prezident seçilməsi ilə ilk dəfə olaraq legitim yolla siyasi hakimiyyətə yiyələnmək ənənəsi qoyuldu. Bundan sonra demokratik prinsiplərin, ənənələrin inkişaf etdirilməsi istiqamətində ulu öndər Heydər Əliyev tərəfindən mühüm addımlar atıldı. 2003-cü ildən bugünədək cənab İlham Əliyevin ölkəyə rəhbərliyi dövründə demokratik ənənələr daha da inkişaf etdirildi, seçkilərdə şəffaflığın təmin edilməsi ən yüksək səviyyəyə çatdırıldı. Ölkədə Prezident, parlament və bələdiyyə seçkiləri açıq, şəffaf keçirilir”.

Demokratik seçkilər yolu ilə formalaşan VI çağırış Milli Məclisin deputatları Azərbaycanın haqq sözünü, yeni reallıqların dünya ictimaiyyətinə çatdırmaq üçün müxtəlif beynəlxalq təşkilatlarda uğurla iştirak edirlər: “Millət vəkilləri, eyni zamanda qanunvericilik bazasının təkmilləşdirilməsi istiqamətində mühüm işlər görürlər, digər tərəfdən seçicilərlə mütəmadi olaraq görüşlər keçirirlər, onların problemlərini dinləyirlər, həlli üçün mühüm addımlar atırlar. Bir sözlə, ölkəmizin qarşısında duran hədəflərə çatmaq üçün işlər görülməkdədir. Xüsusi olaraq qeyd etmək istərdim ki, kimsə Azərbaycandakı seçki sisteminə kölgə sala bilməz. Təəssüf doğuran məqam isə odur ki, belə bir fikri hazırda Milli Məclisin üzvü olan müxalif Erkin Qədirli səsləndirib. Erkin Qədrlinin bu  fikirləri əsla başa düşülən deyil. Bu cür fikirlər xalqın iradəsinə, milli maraqlarımıza və onun öz seçicilərinə qarşı hörmətsizlikdir. Ölkəmizdə seçkilər şəffaf və demokratik şəraitdə keçirilir və əminliklə bildirirəm ki, seçkilər xalqın iradəsini əks etdirir”.

Cavid OSMANOV,

Milli Məclisin deputatı,