7 noyabrda “Dayanıqlı İnkişaf Uğrunda” Gənclər İctimai Birliyi tərəfindən həyata keçirilən “DiplomaSkills: Gənc diplomatların bilik və bacarıqlarının artırılması proqramı” layihəsi çərçivəsində I qrup üçün ilk görüş keçirilib.

Gənclər Təşkilatlarının Resurs Mərkəzində təşkil olunan təlimdə 25 nəfər iştirak edib. Təlimin əsas məqsədi gənclərin diplomatiya və beynəlxalq münasibətlər sahəsində biliklərinin artırılması, onların peşəkar ünsiyyət və liderlik bacarıqlarının inkişaf etdirilməsinə dəstək vermək olub.

Təlim çərçivəsində iştirakçılar beynəlxalq münasibətlər, diplomatik fəaliyyət və müasir diplomatiyada gənclərin rolu ilə bağlı mövzular ətrafında məlumat əldə ediblər. Tədris prosesində nəzəri biliklərlə yanaşı, praktiki yanaşmalara da yer verilib.

Proqram çərçivəsində interaktiv metodlardan, praktiki tapşırıqlardan və simulyasiya yanaşmalarından istifadə olunması iştirakçıların müxtəlif diplomatik situasiyaları təhlil etməsinə və mümkün həll yolları üzərində işləməsinə imkan yaradıb.

“DiplomaSkills” layihəsinin əsas məqsədi gənclərin diplomatiya sahəsində bilik və bacarıqlarını artırmaq, onların beynəlxalq münasibətlərdə effektiv fəaliyyətə hazırlanmasına və liderlik potensialının inkişafına töhfə verməkdir. Hesabata əsasən, layihə çərçivəsində keçirilən təlimlərdə ümumilikdə gənclərin diplomatiya, beynəlxalq münasibətlər, liderlik və effektiv ünsiyyət sahəsində bilik və bacarıqları artırılıb.