Bu gün ölkə ərazisində drenaj quyularına xidmət göstərən qurum yoxdur. Yerli icra hakimiyyəti orqanlarında və ya Ekologiya və Təbii Sərvətlər Nazirliyində bununla məşğul olan qurum olmadığı üçün bizim tikib istifadəyə verdiyimiz drenaj quyuları nəzarətsiz qalır.

Bunu Fövqəladə Hallar Nazirliyi yanında Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov deyib. O bildirib ki, quyuların bir hissəsində ya nasoslar, ya da onun müxtəlif boruları kimlərsə tərəfindən oğurlanır.

“Elektrik xətlərində tez-tez qırılmalar olur. Çünki buna nəzarət edən qurum yoxdur. Biz bu məsələni yuxarı orqanlar qaşrısında qaldırmışıq. Nazirlər Kabinetində məsələyə baxılmaqdadır. Ümid edirik ki, yaxın vaxtlarda belə qurumun yaradılması və drenaj quyuların həmin qurumun balansına verilməsi reallaşacaq”.(azvision.az)