Donald Tramp administrasiyası ABŞ-dən kənarda yaşıl kart (Green Card) üçün müraciət edən bəzi immiqrantlardan immiqrant vizası verilməzdən əvvəl 100 min ABŞ dollarınadək  maliyyə təminatı qoyulmasını tələb edə biləcək təklifi nəzərdən keçirir.

Sabahinfo.az xəbər verir ki, bu barədə "The Wall Street Journal" qəzeti məlumat yayıb. 

Bildirilir ki, bu təşəbbüsün məqsədi immiqrantların maliyyə baxımından özlərini təmin edə bilməsini və dövlət sosial yardım proqramlarından asılı vəziyyətə düşməsinin qarşısını almaqdır.

Hazırda isə ABŞ hökumət qurumları bu təklifi rəsmi şəkildə elan etməyib və immiqrant vizalarının verilməsi qaydalarında hər hansı dəyişiklik edilməyib.

Məlumata görə, sözügedən təklif Tramp administrasiyasının son dövrlərdə bəzi müvəqqəti viza sahibləri üçün girov proqramlarını genişləndirməsindən sonra gündəmə gəlib.