Azərbaycan Ordusunun artilleriya bölmələri müharibənin ilk günü kütləvi atəş zərbələri ilə düşmənin 500-ə qədər hədəfini məhv edib.

Bunu jurnalistlərə açıqlamasında Azərbaycan Ordusunun Raket və Artilleriya Qoşunlarının komandanı, general-mayor Ağamir Sultanov deyib.

General bildirib ki, müasir, universal radiolokasiya komplekslərinin tətbiqi ilə düşmənin atəş açan raket və artilleriya vasitələri aşkar olunaraq dərhal cavab atəşi ilə susdurulub, məhv edilib və yerdəyişməyə məcbur edilib:

"Yerdəyişməyə məcbur edilən düşmənin artilleriya vasitələri PUA-lar tərəfindən asanlıqla aşkar olunaraq məhv edilib".