İnsanın koronavirusa yoluxub-yoluxmadığını dəqiqləşdirmək üçün testlər işlənib hazırlanmışdır. Koronavirus xüsusi testlərlə təsdiq olunur.Hazırdacavabları 1-2günə çıxantestnövlərivar.Hansısimptomlardabutestietdirməyəgetməklazımdır,testnecəaparılır?

Medicina.az koronavirus testi barədə 5 vacib suala cavabı araşdırıb. 1. Hansı simptomlar zamanı test vacib olur? Qripə bənzər simptomlar: hərarət qalxır, dərman qəbul etdikdən bir az sonra yenə artır, boğaz, sinə ağrısı. Burun axması, öskürək, ağciyərlərdə küy, döş qəfəsində nəfəs alarkən ağırlıq, bəzi hallarda ürəkbulanma, diareya, qarın ağrısı, halsızlıq.

Bu virus üçün əsas xarakterik əlamətlər tənəffüsün çətinləşməsi və pozulmasıdır. Bu halda harasa baş götürüb qaçmaq lazım deyil, sadəcə qaynar xətt və 103 təcili yardıma zəng edib, həkimi gözləyin. 2. Test neçə dəqiqə çəkir? Prosedur özü bir neçə dəqiqə çəkir. Nəticə isə 1-2 gün ərzində hazır olur. Düzdür, digər ölkələrdə daha tez müddətli analizlər çıxıb, amma bizdə 1-2 gün nəticəli testlərdir. 3. Analiz nədən götürülür? Ekpress test üçün, yəni 1 sutkaya cavab almaq üçün qan, sidik və burundan yaxma analizi alınır. 4. Test nəticəsi müsbət çıxsa nə olacaq? Testin müsbət, pozitiv olması o deməkdir ki, virus var. O zaman həmin insan xəstə hesab edilir, xüsusi xəstəxanaya yerləşdirilir, onunla fiziki kontaktda olan hər kəs- ailəsindən tutmuş iş yoldaşlarına kimi hər kəs karantinə alınır. Onların hamısında test aparılmır, əgər xəstəlik simptomları görünmürsə, sadəcə 2 həftə təcrid olunurlar ki, başqa adamlarla təmas olmasınlar. 5. Testin nəticələri açıqlanırmı, yoxsa gizli saxlanılır? Koronavirusun kimdə müsbət çıxması ictimaiyyətə açıqlanmır, sizdən cavabların açıqlanması üçün xəstədən heç bir razılıq ərizəsi də alınmır. Bu, bir pasiyent sirridir. Amma bunu xəstənin açıqlaması da qadağan olunmur.

Həkim

Nazlı Çələbi

Yazı "Yeni Həyat İqtisadi İnkişaf" İctimai Birliyi Azərbaycan Respublikasının prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə "Kənd təsərrüfatı sahəsində çalışanlara koronavirusla mübarizə ilə bağlı maarifləndirici məlumatların çatdırılması" layihəsi çərçivəsində çap olunur